Pathian angchhung thianghlimah chuan

Lettu: Thanga
Satu: Siampuii Sailo, Zira Hnamte, H Vanlalhlana, Lalthansangi Lalremliani Hnamte  (Maremi)

Pathian angchhung thianghlimah chuan,
Thihna fate an chawl ang;
Mak an la ti hle ang tah chuan,
Hremhmun meia an chhuahna.

Pathian fakna, Pathian fakna,
Vanah a tawp tawh lo vang (3).

Sual laka a tlan vang khanin,
Chhandamtu Lalpa Isua;
Chatuan hmun nuam an thlen hunin,
Zaiin an fak fo ang a.

Tingtang tumte, tingtang tumte,
Vanah a tawp tawh lo vang (3).

Mihring thinlunga lut ngai lo,
Mit hmuh loh, beng hriat ngai lo;
Lalpa'n a hmangaihtute tan,
A buatsaih kha an chang ang.

An nunkhaw nawm, an nunkhaw nawm,
Kumkhuain a zual zel ang (3).

Pathian hmaah puan var sinin,
Chhun zan zawmin an awm ang;
Riltam, tuihal tuar tawh lo vin,
Nuam zawng zawng an nei reng ang.

Hrehawm reng reng, hrehawm reng reng,
Chatuanin an tuar lo vang (3).

Jerusalem thar nuamah chuan,
Thih leh nat, lusun, thlaphan;
Mangan leh hah hre tawh lo chuan,
An ning lo'ng ennawm thlir fan.

Lalpa hmangaih, Lalpa hmangaih,
Bang lo vin an fak fo vang (3).