Ral a lian e khawvelah hian

Ral a lian e, khawvelah hian,
Setana ral nitin a lo lian zual leh thin;
I Thlarauva min thuam loh chuan,
I hming mawi hi Lalpa ka tan ngam lo ang.

Hmana zirtirte i thuam ang khan,
I Thlarauvin min thuam langin;
Rinin i hmel mawi min hmuh tir la,
Lawmin i hming kan fak leh ang.

Kalvari tlang chungah Lalpa'n,
Kal sual vangin lungngaih hrehawm tinreng tuarin;
A lungngaihna nghilh rual loh chu,
Sual vang hian, aw, a lungngaihna kan ngilh zo ta.

Min ngaidam la, aw Lal Isu,
Ka tan i lungngaihna hai der tawh mah ila;
Nang chauh ka hmangaihtu i ni,
Ka ngai em che Lalpa, i hmel min hmuh tir rawh.

I ram tungding turin Lalpa,
I tlansate sual bawi ata hruai chhuak turin;
Sual ral liante do leh turin,
Kan zam zel thin Imanuel hma hruai leh rawh.