Ram daiah lunglen ka tuar ni hian

Phuahtu: Lianruma
Satu: Chaltlang Bial PYD Zaipawl (2017-19)

Ram daiah lunglen ka tuar ni hian Lalpa,
I hmel pangpar leh i aw mawi chu;
Min hnem ang che lungngaih awmhar tuarte zawng,
Sual veia tah lai ka ba'ng na'ng e.

Aw, khawiah nge Tlantu Lal ropui ber chu,
Hmangaihte nen, aw, ka va ngai em!
Ka thlir zel dawn Beram No Lal lenna chu,
Awmhar lunglen tah lai min hnemah.

Lungngai lusun tuara ka tah lai tak hian,
Min auve hmangaih kal tate chuan;
Nunna lungloh tui leh hawilopar chawiin,
Aw nem takin, "Lo kal rawh," min ti.

I au zel ang aw, Zion fate zawng chuan,
Chenna tur ram nuam kan thlen hma chuan;
Lawmin i zai ang, lungngaih hnutiang chhawnin,
Hmangaih chhandam fate'n min nghak e.

Aw, van rangkachak hmun hring ram chu thlirin,
Lungduhte'n lawmna par chu an tlan;
Nunna tui thiang leh hmangaih parmawi vulna,
Awmhar lunglenin ka ngai zual thin.