Ram ropui chu ka thlen hunin

Ram ropui chu ka thlen hunin,
A hausakna ka ta ni se;
Ka buaina zawng zawng a bo vang,
Ka chatuan in ka thlen hun chuan.

Aw, nang pialral ram lawmawm chu,
I tlang sanga ka chen hun chuan;
Lalpain min buatsaih sak chu,
Luipui mawi piahah chuan a lang;
A mawina chu ka thlir ning lo,
Ka van In ka chatuan in nuam.

Ka Chhandamtu'n min lo hmuak ang,
A hmel lawmawm ka hmu fo ang;
A hmangaih kutin min hruai ang,
Ka chatuan in nuam pan turin.

Chutah nunna thing kungah chuan,
Nunna pangpar a par fo ang;
Chu pangpar chu a chuai ngai lo,
Nunna tui luanna hmunah chuan.

Lawmna thli fim a tleh fo va,
Van tingtang ri mawi ka hria ang;
Puan ropui sin angel varte,
An chatuan hla ka sak pui ang.