Then lohna ram ka ngai e

Satu: Sunpuitute

Then lohna ram ka ngai e,
Imanuela ram;
Thenna tur ni kawlah a lo chhuak ta e,
Ka ngai then lohna Zion tlang mawi chu.

Ka ngai van pangpar vulna,
Aw, then lohna khawpui;
Ka Lal hmel leh nunna thing jung,
Saron par mawi a vul.

Van Jerusalem mawiah,
Nunna tui a luang e;
Mita hmuh loh ram leh nunna thing kung zar mawi,
Salem tual laiah mi hruai lut rawh se.

Lalna ram khawpuiah chuan,
Van Beram No a leng;
Zan thim lungngaihna leh tahna a awm tawh lo,
"Pialral entu Lalin a thu," a ti.

Lalna khawpui chanchin chu,
Hrilh sen rual a ni lo;
Ka Lal Chhandamtu leh Serafim zai remna,
Lal Lenna Zion tlang mawi ropui chu.