Thihna lui rala ram mawi nuamah chuan

Phuahtu: CZ Huala

Thihna lui rala ram mawi nuamah chuan,
Kan chatuan van in mawi chu a awm;
Kan duh tak chu luipui kai tate chuan,
Lui ral ram mawi nuamah khian min nghak hlawm.

Aw, lawmna in chatuan engthawlna hmun,
Kumkhaw mittui tlak ngaih lohna ram;
Hmangaih chhungkhatte leh Chhandamte nen,
Bang lova inkhawmna a awm ang.

Ka lawm Lalpa, ka sawi ning thei lo vang,
Kalvaria mualphona zawng phur a;
Hmelma anchhia nena i thih vangin,
Ka tan chatuan in nuam i siam ta.

Ka tahna leh ka buaina thlaler hi,
Pelin chu thlarau khawvelah chuan;
Kalvaria Beram No an thah hnu kha,
Ropuina changin ka han hmu ang.