Lawmna kim rawngbawlna

Satu: The Leprosy Mission Choir

Hringnun khawvel dawn changin a mak ngei e,
Kan khualzinna ram anchhedawng khawvelah hian;
Sual vanga hliam tuar, vakvai leh phar te nen,
Hlimna par reng an tan a vul lo ve,
An tan hringnun hi huatthlala mai a ni si,
An hringnun kalsiam tur reng an dawn sei ngam lo ve.

Beidawng leh chau vin an rum e,
Hlim ni hmel an hmu lo ve;
Nungdama hringchan tlai ni len an thlahlel mawlh lo ve,
Tah lai kawlkunga'n a liam thei mawlh si lo ve,
Engkim mai hi lunglam vaihna khua ti sei mai tur.

Lungngaihna, manganna te'n kian zai reng an rel si lo,
Aw, hei tal hi hriattir ve ila,
An thlarau leh taksa damna tur,
Lal Isua'n a buatsaih ram chu,
A chhandamna ringtute tan,
An chan tur a ni chatuanin.

Ami zaleng zawng te laitual lenna zau mahse,
Riakmaw va leng iangin riahna run an vai;
Engtin do dai i maw tur nisa, khuangruahsur,
Dawnin lairil min fan, ka dawn sei ngam lo.

An tan Zion khawpui mawi khi,
A mawi, a mawi chuang e.

Lungngaihna, manganna te'n kian zai reng an rel si lo,
Aw, hei tal hi hriattir ve ila,
An thlarau leh taksa damna tur,
Lal Isua'n a buatsaih ram chu,
A chhandamna ringtute tan,
An chan tur a ni chatuanin.

Lal Isua'n a hmangaih mi bawlhhlawh leh chanhai te,
Rianghlei hluana hringnun an hmang reng tur hi a phal lo ve;
Mi ensan leh hmuhsit te tan a hun te a hmang fo thin,
Aw, keini Lal Krista rawngbawltute hi,
Aw, eng kan ti ta nge, kan chau ta lua e;
Damna changtu, van malsawmna dawngtu te,
Lalpa rawng chu bawlin kan hma i zauh zel ang,
Kan neih rosum, kan finna, ka thiamna te,
Aw, kan theihna kawngah Lal rawng i bawl ang,
Lawmna kim chu rawngbawlna hi a ni e,
Lalpa'n a rul ang che, nang malsawmna ni la,
Lalpa'n a rul ang che, nang malsawmna ni la,
Lalpa'n a rul ang che, nang malsawmna ni la.