Chinland ram dawh

Phuahtu: Htun Kyaw (Kyarinn)
Satu: Kyarinn Singer Group

Kan pupa hna nih e rak tlak hna e,
Chinland cu Chinmiphun kan ram a si,
Fei le nam he rak dirkamh tawn hna maw,
Lungrual in rak tang ti hna e,
Kan pupa keneh dawh Chinland ram e.

A lang hlat tlangcung in ka hei cuan i,
Semnak lailungrawn khi ai dawh hringhran,
Zirthli thiang hna nih vung hrang chialmal e,
Iangngei khun kan lailungrawn khua,
Pathian thluachuah mi kan ram a si.

A nuam len kan cim lo ai dawh khun,
Pathian thluachuah pek mi,
Kan ram dawh kilven cio u sih,
Chin miphun dihlak nih,
Chin miphun cu a nung kan biak Pathian,
A bia miphun kan si nak cu,
Miphun dang sin a langtertu kan si,
Rawn ah nunkhuasa chinmi kan si.

Kan semnak rawnchin khua dawhbik te hi,
Miphun dang kut chung ah phan lo ding in,
Chin miphun dihlak nih tuan vo kan ngei,
Nang le kei e ti um lo in,
Kan miphun kan ram ca tuan cio u sih.

Chin miphun kan ram sersiamtu ding ah,
Pathian theih mi chinmi hruaitu tha,
Tampi kan herh Chinmi a tu tho law,
Pathian kan lei a tan ah chun,
Kan tei lai kan ral Bawipa thawng in.

Kan nih cu Rawn ah chuak chin mi kan si,
Kan holh le ca thiam sang miphun hawisin zong ah,
Kan zah pi lo chin kan si nak,
Kan nunphung cu kan tleichan ko,
Pathian Thluachuah mi miphun kan si,
Kanram ca nunnak pe in raldohtu,
CNA le kan chin ralkap nan dihlak,
Upatnak kan in pek Chin miphun nih,
Pathian nih in umpi hna seh,
Teinak Alan cu kan zar te lai.

Chinmi cu vakok he tahchunh kan si,
Kan ram caah nunnak pesiangtu kan si,
Thih ah thih ti kan nun zong ah nun ti,
Kan ram le kan miphun caah,
Nunnak pe siangtu miphun kan si,
Chinmi chu Pathian he then khawh si lo,
Kan umnak hmun le hma cu dang hmanseh,
Krih nunzia dawh ngeimi chinmi kan si,
Fingle tlang nih kan dan hmanseh,
Chinmi kan sinak philh hlah u sih.