Thangthat a phu

Phuahtu: Ruth Tin Fam
Satu: Naomi Par Tha Sung

Halleluiah tiin lam law kan Bawipa cu kut thlir in,
Thangthat tuah, thangthat tlak le cawi san tlak Bawi cu,
Vawlei mi lian hna le,
Mi fim mi rum min thang hna cu an tlai kho,
Ai thleng bal lo siangpahrang lian ngan,
Bawi laka Bawi cu kan thangthat mi kan Pathian a si.

Bawipa dawtnak le vel ngeihnak ruah ah hin thangthat a phu,
I lampi a phu, pum dihlak le thazaang dihlak in,
Caan dihlak si ning dihlak, kan nunnak dihlak,
Thiamnak dihlak in hlorh le cawi sang in thangthat u sih.

Bawipa dawtnak ah thazaang dihlak in ka lam ah cun,
Ka taksa a dam dih i ka Thlarau a ṭhawng,
Thinlung tem ṭawnnak zong Jesuh min in an tlau ka thilrit a zang,
A nuam tuk e lawmhnak in ka khat,
Mi luat kan si kan Bawipa cu thangthat chin u sih.

Nifatin in Bawipa thatnak le vel tha chin rel ve hmanh,
Thangthat lo le lam lo in na um kho lai lo,
Kan nun chung vialte cu kan sining dihlak in kan thangthat ko lai,
Zawtfah caan zong derthawn caan zong ah,
Cungchin ah hlorh in kan thangthat lai Halleluiah tiin.