Dawt thu di

Phuahtu: Zoremi Colney
Satu: Zualbawihi (R Lalhmangaihzuali)

Kan thin lairil ngaihtuahna leh ka hmangaihna zawng pawh,
Kumsul tam sul ang ka zui lai che khan e, lungrun;
Ka hlan che asin, i tan chauh rinawm zel pawh ka tum thin.

Ka hril thiam lo, lem ang min lo der reng hi,
Lungrun, a na em mai,
Engtin nge maw dawt thu di mai mai,
Min lo hlan thiam zawk le.

Hmanah biahthu min hlan lai khan enga'n nge maw lunrun,
Kumtluang runlum puia'n ka thlang ber che min tih le?
Enga'n nge maw tiang leh tura biahthu min lo tiam le?

Hei hi maw an sawi hmangaihna vanduai chu lo ni le?
Mahse, tawrh dan ka thiam ve ngei ang,
Khuarei kumsul liam se nang ngaih lunglen hi,
Ka bang ve ngei ang, lunrun,
Ka vang ve tawh ang, lunglen hi.