Ka riang lua e

Phuahtu: Zoremi Colney
Satu: Zualbawihi (R Lalhmangaihzuali)

Duh te'n sakhmel dar ang intawngin,
Biahthu hlan zai kan rel lai ni zawng te;
Dawn chang ni hian ka ngai zual thin che,
Bawihte, nang nen mual za puiin min dang si.

Suihlung a leng ngei e, i zun ngai reng reng hian,
Hlim te'n nau ang nuih zai rel a har;
I dawn ve thin em, ariangte hi?
I thaikawi thu di nen laikhum belin,
Zan mu ka chhing thei lo.

Lenrual te chu kawp te'n chhailai di nen,
An hlim ngei e, chhawrthla eng lawmin;
Mahse, ka tan nang ngaih tizual thlawntu,
Mahte'n ar ang ka vai, ka riang lua e.

Duhlai, nang nen tawn leh ni chuan e,
Tia kan tiam thu di zawng leh;
Nang ngaih vang ariang ka chhing mittui,
A thlawn mai zawng chan tir lul suh aw.