Hmangaihte hmangaih

Phuahtu: SaiWanah Sailo
Satu: SaiWanah ft Vashty

Hun leh kum tam ka vah vaih hnuah,
Nang ka tawng che, suihlung lawm a kim;
Thatna nei lo min hmu ning thei lo,
Tlintawkna reng nei lo min buk tlingtu i ni si.

Hmangaih te hmangaih nih hi a va nuam em,
I hlim nan chuan ka mittui pawh kang mai se;
Dolung zum leh lungngaih tlang leh mual tin reng,
Paltlang ka huam i tan, duh lai.

Ka nun hi van nen an tehkhina,
Mi te chuanin lungngaih chhum zing an hmu;
Mahse, nang chu ka lamah tangin,
Siar leh chhawrthlapui min hmuhsaktu i ni si.

Hmangaih te hmangaih nih hi a va nuam em,
I hlim nan chuan ka mittui pawh kang mai se;
Dolung zum leh lungngaih tlang leh mual tin reng,
Paltlang ka huam i tan, duh lai.

RAP:

Hmangaihna zin kawnga bangbo leh vanduai hi,
Ka tana Khuanu ruat ka zawng thin,
Van hnuaiah ni tla vanvuaiin ka tal buai,
Heng ang hian ka zawng thin mahse ka tawn chu ramhuai,
Mahse, hun leh ni an rala hmangaihtu ka tawng ve,
Ka tana Khuanu ruat ngei a ni, ka lawm hle,
Ka hringnun diary-a zir chhuah tinreng a nawt reh,
I awih loh chuanin tunah amah va zawt teh.

Zan thim an rala kawl a eng,
Ka mittui far thawm a reh,
Ka lei hringnun zawhna te chhanin an awm,
Ka thaw a veng, hun leh ni kan hmang dun,
Kar hlaa a lenin ka call, ka text,
Kha leh chen khawiah nge i awm?
Tinge hmanah ka tawn loh che...yeah...

Hmangaih te hmangaih nih hi a va nuam em,
I hlim nan chuan ka mittui pawh kang mai se;
Dolung zum leh lungngaih tlang leh mual tin reng,
Paltlang ka huam i tan, duh lai.

 

Paltlang ka huam i tan, duh lai