Piancham hlimawm (Happy Birthday)

Phuahtu: SaiWanah
Satu: Hannah, Linda & SaiWanah

Vawiin hi ni thar a ni,
Ni dang ang bawkin darkar 24 a ni,
Mahse, vawiin ni hi a danglamna chu,
Ka piancham pha, ka birthday a ni e,
Ka piancham pha, ka birthday a ni.

I piancham kan lawmpui a che,
Khuanu malsawm dawng la,
I damkhua hrui ang sei se,
Hlim takin hun hmang la,
Malsawmna ni ang che,
I lo pian avang hianin kan lawm e,
I lo pian avang hianin kan lawm e.

Chun leh zua, unaute nen,
Hlima zai tin vawrin kan party dawn e,
Lenrual lungduh te u, ka sawm vek che u,
Ka piancham pha hi min lawmpui ve r'u,
Ka piancham pha hi min lawmpui ve r'u,.

I lei hringnun zin kawng chhuk chho,
Zawh mekah harsatna leh manganna tinreng te pawn,
I chungah thla zarin lo tlakbuak che mahse,
Engkim hi a eng zawngin thlir ang che,
Engkim hi a eng zawngin thlir ang che.

Ka piancham min lawmpuitu te,
Kum dangah pawh min lawmpui turin ka sawm che u,
In zavai chunga thinlung takin ka lawm e,
Malsawmna tam tak dawng ang che u,
Malsawmna tam tak dawng ang che u.