Zawlkhaw mawitu

Phuahtu: R Lalramhluna
Satu: R Lalramhluna, Zualbawihi (R Lalhmangaihzuali), F Zomuanpuia

Chhingkhual kar hla mah ni si lo,
Zawlkhaw tleitir zinga thasensiari;
Dar ang tawn i har ngei runhmun loh chu,
Sakhming 'Mampui,' khawiah tuan che maw aw?

Enga'n ka lo tawn che, Mampui,
Hrilh i har hmangaih biahthu, lung ka vai,
Hria lang chuan e, i tawnah ka dawn lungruk,
Min vei ve hian ka ring thin e, lairilah.

Sakhmel tawn chhung a rei si lo,
Ka hrilh hman lo ka duhaisam biahthu;
Tiang ema lunglai kuaitu khuavela'n,
Ka tawng ngai lo'ng van hnuai he lei chinah.

In sumtual kaina run ka vai,
Engtikah laitualah dar ang tawngin;
Hrilh ka nuam i tawnah ka dawn lungruk,
Ka lunglaina zawng hi, aw, a dam ngei ang.

Ka hlan ve che, hmangaih biahthu,
Min hlan ve la thaikawi thu di tal chu;
Min tiam la run hmunah leng dun turin,
Chutin hlim ten laitual ka leng ve ang.