Zion khawpui (Lairokima Tlau phuah)

Phuahtu: Lairokima Tlau
Satu: Lalchhanhimi, Ramdingpuii, Mercy Lalmuanpuii & Lalremtluanga Pachuau

Thuthlung fate zalenna tur,
Lo inhawng tawh rawh Zion khawpui.

Aw Zion, Pathian khawpui mawi,
I chungchang thu ropui takin an sawi thin a,
Mi thianghlim chhandam lenna ram mawi,
Ka tana  buatsaih a ni, ka ramhlun tur khawpui.

Aw, engtik nge maw ka han thlen ve ang,
Ka tana buatsaih ram mawi chu;
Lalna ram ni tla ngai lo khawpui mawi chu,
Thuthlung fate zalenna tur lo inhawng tawh rawh Zion khawpui.

Chu khawpui mawia thleng thei turin,
Tui leh thlarauvah i piangthar ve tawh em?
"Tupawh keimaha kal lo chuanin,
Tumah Pa hnen an thleng thei lo vang," Lalpa'n a ti.

Chu khawpui mawia rorel turin,
Beram no hliam hnu Lal Isua Krista chu;
Davida lal thutthlengah thuin,
Mitin te pianna Lalpa'n a la chhiar chhuak ngei ang.

Khawpui mawi Zion Beram no lalnaah,
Tisa, thisen hring mi a lut thei lo vang;
Amah lawma Pathian fa, a hming ringtu,
Beram no thisena hrin te tan a ni.