Chhandamtu'n min ko

Phuahtu: Lalrindika
Satu: Lalthansangi

Ka damlai ni hi a la ral ang,
Ka nun, ka hun, ka chakna te chuaiin;
Mual a liam ang aw he ka taksa hi,
Ka tlantu hmaah ka la ding ang.

Aw, ka nunna, Lalpa fak rawh,
Aw, ka tisa, rei lo te atan i ni;
Ka thlarau tho la, inpeih thuai rawh,
Chhandamtu'n min ko ram mawiah khian.

Ka zinna ram hi thlaler a ni,
Harsat, mangan, sawichhiat ka tawh laiin;
Innghahna leh beiseina tur khaw nge?
Ka tan a awm si lo, Lalpa, nang chauh i ni.

Ka ngai em che, aw, ka Lal nunnem,
Thinlung chak lo i fa ka riang em e;
Ka rin, ka Pathian nang chauh i ni asin,
Khawvel hrehawm tawrh ve ka huamna.

Engtik niah emaw a la ral ang,
Thihna, tahna, thlaphanna lei ram hi;
Ka khualzin kawnga ka mittui fâr zawngte,
Thawnthu ngaihnawm, aw, an la ni ang.