I rin chuan

Phuahtu: Manuna Lianhna
Satu: Aizawl Area Baptist Choir (2022 - 2025)

Lungngaiin i rum thin maw?
Tanpuitu i zawng em ni?
Chakna reng i nei lo va,
Beiseina a chuai zo ta,
Vanneihna zawng te pawn,
Hnutiang an chhawn che maw?
Hringnun hi tahna a chang zo ta.

Aw, ka thian, i kawng zawh kha,
Kei ngei pawn ka zawh ve a;
Chakna reng ka nei lo va,
Beiseina a chuai zo va,
Mahse maw, Chhandamtu'n ka banah min kai a,
Lungngaihna lawmah a chantir ta.

Aw, a nghak reng che, a tanpui duh a che,
He i phurrit tak nen hian pan mai la;
Aw, i duhsam aia hlu a lo pe ang che,
A thiltihtheihna i rin phawt chuan.

He leiah a lenlai khan,
Damlo te'n an pan thin a,
Nat tinreng a tidam a,
Phar te pawh an thianghlim ta,
A puan hmawr dektu khan damna a lo chang ta,
Lal Isua i tan a awm reng e.

Aw, a nghak reng che, a tanpui duh a che,
He i phurrit tak nen hian pan mai la;
Aw, i duhsam aia hlu a lo pe ang che,
A thiltihtheihna i rin phawt chuan.

Aw, min nghak reng e, min tanpui duh e,
He ka phurrit tak nen hian, ka pan dawn,
Aw ka duhsam aia hlu mi lo pe ang che,
I thiltihtheihna ka ringnghet e,
I thiltihtheihna ka ringnghet e.