Sakeibaknei hahum angin

Satu: H Lalsawmliani

Anchhedawng hmun ka Lal Krista,
Thihna leh thawhlehna ngei chu;
Khawngaihna lanna a ni a,
Hawisanin kan tlansan thei lo,
Min tinungtu Kristaah zawng
Dona tinreng ka hlau lo vang.

Sakeibaknei hahum angin,
Hlauh tur reng, reng kan hre ngai lo;
Hnehna changtu neitu zawng ten
Hlauh tur reng reng kan hre ngai lo.

Mite hmaah thiamchang tumin,
kan dikna thu kan puang ngai lo,
Dawta sual tinrenga hek pawh,
Engthawlna hun nuam a ni si,
Kan hma hruaitu Kristaah zawng,
Buaina piahah min hlangkai ta.

Kristian ka ni ti te zingah,
Do leh hektu min mantu tur;
Mahni unau chhungte zingah,
Indona leh hauna a zual,
Kan hun tawng tur a ruat ngei chu,
A takin kan tawng mek a ni.