Phuahtu: Upa C Lalthangvunga
Thalai Kristian Pawl, Krista Kohhran tan,
Kan lo ding ta e, chanchintha puang turin;
Kan Lalpa'n min ko, malsawmna ni turin,
Kan vanglaini Lalpa tan hmang ang u.
Ka chakna Isua Krista chu ring tlatin nitin Pathian ka pawl ang a,
Kan Kohhran Pathian biakna leh hathawhna-ah ka tel zel ang;
Khawtlang thatna leh, inunauna ti nghet turin ka thawk ang a,
Krista hnenah midangte hruai ka tum tlat ang.
Krista leh Kohhran tana thawk turin,
Thalai zawng zawngte, Kristian tak nih tir leh;
Pathian ram zau nana inhmantir vek hi,
Kan pawl din chhan, kan thil tum ber a ni.
Thalai Kristian Pawl, member zawngte u,
Mihring nunphung sual, siam thatu ni tur leh;
Kohhran leh khawtlang mi tangkai ni turin,
Rinawm, chhel leh huai takin pen zel r'u.
Kan thinlung zawngin Lalpa Pathian chu,
I hmangaih ang u, kan thlarau zawng nenin;
Kan rilru zawng zawng kan chakna zawng zawngin,
Thahnemngaiin a rawng i bawl ang u.
* Krista hnenah midangte hruai ka tum tlat ang,
Krista leh Kohhran tan, Krista leh Kohhran tan.
23 Mar 2024
SHARE
Author: Four Brothers' Mizo lyrics verified_user
Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India
0 comments: