Hmangaihna mak ber

Phuahtu: Zoramthanga (Zotea)
Satu: Vohbiki

Ka chhandamna kraws lamtluang ka han thlir hian,
A kawng te chhuk chho vin a hrang thin lua ka ti;
Angel te chawimawi nin loh nunna Lal fapain,
Enga'n ranthleng leh kraws ka tan i lo thlan hi.

Hmangaihna zawnga aw, hmangaihna mak ber,
Khawvel thiamchan nan a nunna petu;
Hmangaihna vanga mi rawn zawngtu chu,
Ka tan hian Lalpa, i tlawm lua em asin.

Ka nihna rengah mi sual ka ni, Lalpa,
I tan kawng engkimah ka tlin loh zia i hria;
Nangin mi hriat angin ka thatna lai ber pawh,
Silhfen bawlhhlawh, hnawmhne, engmah lo a ni si.

Chunnem Mari chawiin ranthleng i lo zal a,
Doral hlauin raltlan lamtluang zawh pui i tul;
Leiin a tlantu hmel tunge a hai em ni?
Lei leh van kara kan remna palai asin.

Ka sual vangin hlinglukhum i khum tawh a,
Keiin chatuan ropuina lallukhum chang a;
I siam Salem thar nuam laitual ka leng tur chu,
Ka tan van khawpui khi a tlawm dawn em mai.