Phuahtu: Evan. Lalawmpuia (Op-a)
Satu: Vohbiki
Lalpa, ka nun hian a ngai che,
I tel lo chuan mitkhar kar pawh ka nung zo lo;
I tel lo chuan ka hlawhchham thin,
I tel lo chuan nun mawi ka nei thei si lo.
Lalpa, nangin min hrechiang e,
Min khawngaihin min kalpel suh,
Mi sual ka ni, min ngaidam rawh,
Ka tlin lohna leh ka awm angin,
I ke bulah ka lo kun e;
I thisen hluin min silfai la,
Thinlung thianghlim min pe rawh.
Lalpa, dilna ka rawn thlen e,
Thingthiin i khawngaihna ka ngen a che;
Midang hmangaih thei turin,
Hmangaihnain min lo chhungkhat ang che.
Lalpa, ka thinlung zawng zawng hi,
I hnenah rawn hlan ve hi ka duh thin a;
Mahse, theihna ka nei si lo,
I thlarau thianghlimin min pui ang che.
I chakna ringin ka lo kal e,
I angchhung nuam ka rawn pan e,
Ka pum hianin ka inhlan e.
0 comments: