I khum la la

Phuahtu: Lalthanmawii
Satu: Vohbik

Nun chau tak leh beidawngin,
Theih reng nei lo chau a rumin;
Hun bi ka chhiar laiin,
Tuipui fawnin min len vel,
Thlipuiin min nuai vel a,
Chhantu, hnemtu ka ngai em e,
Ka tham vel a, ka pil mai dawn.

Tawngtai thahnemngai takin,
Che thei lo zeng chu an thlak ta;
Isua ke bulah ngei,
Tuipui fawn a bang ta e,
Thlipui pawh a reh zo ta e,
Ka Lalpa'n thu a sawi meuh chuan,
Muanna, damna hai rual awm lo,
Tunge maw a nih le, sualte ngaidam thei tu hi?
"Mihring, i sualte ngaihdam a ni ta e," tiin,
"Tho la, i khum la la, i inah kal rawh," tiin.

Thiltihtheihna chu a awm a, ama hnenah ngei chuanin,
Lal Isua hming chungnung ber hi,
Thlarau, rilru, taksa damna.

Tawngtai thahnemngai takin,
Che thei lo zeng chu an thlak ta;
Isua ke bulah ngei,
Tuipui fawn a bang ta e,
Thlipui pawh a reh zo ta e,
Ka Lalpa'n thu a sawi meuh chuan,
Muanna, damna hai rual awm lo,
Tunge maw a nih le, sualte ngaidam thei tu hi?
"Mihring, i sualte ngaihdam a ni ta e," tiin,
"Tho la, i khum la la, i inah kal rawh," tiin.

Nat tirenga na te, sual hliam tuara chau mek te,
Beidawnga kun te thlarau sual tih nat zawng te pawh;
Tho la, a tlai hma hian Isua hnen panpui ang u.

Thiltihtheihna chu a awm a, ama hnenah ngei chuanin,
Lal Isua hming chungnung ber hi,
Thlarau, rilru, taksa damna.

A vuakna vual tea tihdam,
Chatuan nunna kan chang ta e,
Amah chauh hi kan chhuang zel dawn,
Isua Krista kan fak zel dawn,
Kan fak zel ang.