Ka inchhuang thin

Phuahtu: PC Lalneihtluanga
Satu: Tumtumi (C Vanlalroluahtumi)

Awm lo ata i thuin ka lo awm,
Ka ruangam i din lai tawh khan;
Min lo chhinchhiah tawh si a,
A mak ka ti Lalpa, chhui sen rual a ni lo,
Ka inchhuang thin i kutchhuak ka ni hi.

Engkim mai hi i tan hlan theih che ka nuam,
Mahse, kei zawng rohlu ka nei lo ve;
I thilsiam zinga tawmkailo ber hian,
Ka neih hlu ber ka thinlung ka hlan che.

Miten min chhiar, min teh tling zo si lo,
Ka nunhlui pawr chu haichhuakin;
Zawhna khirhkhan min zawt maw?
Mi sual mai ka ni e, chhanna ka neihchhun chu,
Ka nih ang hian Isuan min ngaidam tawh.

Mi ropui ten min hre lo kei hi,
Van Lal ropui chuanin min hria;
Tunge ka nih min chiang si,
Mi vannei ber ka ni, mi sual kei ka dam nan,
Van Lal Fapa Isua thihchhan ka ni.