Mal min sawm

Phuahtu: Zorema Khiangte
Satu: Zorema Khiangte

Ka hringnun zinkawngah,
Ka Lalpa min hruaina hi;
Mak tiin ka khat thin min hmangaihna,
Ka phâkloh leh beiseiloh,
Nangin min min hruai thleng a,
Aw Lalpa, i tan hian tunge ka nih?

Aw Lalpa, lawmthu ka hrilh che,
Min khawngaih leh enkawl i bang ngai lo;
Min hmangaih, min thlahthlam ngai lo,
Ka tan hian i van tha em, Lalpa.

Panlai nun ka suangtuah,
Duh tin sam chang nite paw'n;
Ka dawn phak ngai si lo ka tun hun hi,
Ka Lalpa zawk chuanin,
Hmangaihin min enkawl a,
Ka suangtuah aia thain mal min sawm.

Chuangtlai maia inngai thin,
Rairah riang tan pawh hian;
Lal ropui ber i lo fam reng si maw,
Kei ang riangvai tan hian maw,
Van atangin i lo chhuk a,
Chutianga ema hlu chu em ni ka nih?