Kristian naupangte

Phuahtu: C Lalzarmawia
Satu: KNP Kanaan Unit, Aizawl

Kristian naupangte kan ni,
Vanram kawng pawh kan hria e;
Lal Isua hi a ni e,
Chhandam ngai kan nih vangin,
He khawvelah lo kalin,
Kan tan thiin a tho leh ta e.

Kan zam lo, kan hmahruaitu Lal Krista anih vangin,
Kan zam lo, kan hnungdawltu Lal Krista anih vangin;
Atana invawng thianghlimin a sipai huaisen kan ni.

Kristian naupangte kan ni,
Vanram kawng zawh zel kan duh;
Min hrilh zel r'u kawng dik chu,
Ding leh vei kan pen loh nan,
Kan ke pen min venpui r'u,
Hremhmun lamtluang kan zawh ve loh nan.

Kristian naupangte kan ni,
Lalpa tihtute kan ni;
Krista bawih rinawm kan ni,
A duh loh zawng ti lo va,
A duh zawng chauh tih tumin,
Amah kan hmangaih ber fo zel ang.

Kristian naupangte kan ni,
Lalpa buatsaih mek kan ni;
Atana ral do tur te,
Setan lal ram chhu chhia a,
Lalpa ram ram zauh zel tura,
Zam lova ral dotu tur kan ni.