I her dawn em ni?

Ka suihlunglen zualin thaikawi bawngte,
Ka tir thin lungrunpuii hnenah;
Riakmaw sirva iangin ka lo vai e,
Nang ngaih nem te'n a tuar a har awm e.

Kim te'n dar ang kan lenna vangkhuaah,
Kei ka luaithli nul ka bang dawn lo;
Ka dawnin zaleng tinkim lawm pari,
Nghilh ni ka nei lo'ng che kumtluangin.

Zantiang chhawrthlapui eng kal ruai hnuaiah,
"Vawi khat pawh ka nghilh lo'ng che," min ti;
Mahse, tunah leng dang tawnah,
Suihlung i her dawn em ni? Her lul suh.

Ka hmangaihna sang leh rinawm tak chu,
I tan hmelma anka maw lo ni?
I thinlai ruka duhleng aisam chauh,
Rianghleite'n ka tahna mai tura.