Hlan che ka nuam ngei e

Phuahtu: Thangliana Colney
Satu: Juliet Hnamte

Dar ang intawn ni khan,
Ngaihlai ka bang thei lo;
Mampui, nang ngai reng hian,
Suihlung ka vai ruai e.

Intawn ni her leh se,
Nang ngaih lunglen biahthu;
Nem ten maw i tawnah chuan,
Hlan che ka nuam ngei e.

Kumpuisul lo liamin,
Ni te an liam zel a;
Hellai di lungrunpui,
Nang tawn ni awm si lo.

Pawm dun ve thin ang aw,
Tlaini kan len lai kha;
Kei zawng awmhar lunglen,
Ngaih lai ka bang si lo.