Hmana kan nunhlui zawngte

Phuahtu: F Rokima

Hmana kan nunhlui zawng te'n,
Hnutiang chhawnin zamual min liam san;
Ka chan tawk tap ruai ruaia tlai ni len hi.

Aw, khawiah nge i awm?
Saisena riang thinlai min hnemtu;
Auh ruai ruai ka nuam ber mai, valrianga'n.

Ka han thlir thang van zawlah,
Siar lungrualte an leng za thin;
Ka hmachhuan ar ang vaihna khua sei tur hi.

Berhvate lungrual mah hi,
Hal lote'n di nen an leng za thin;
Kei ka tan suihlunglen biahzai min hlan rawh.

Thal favang zan tlai nemah,
Suihlung lengin khua ka hawi vel a;
Ka tawng lo ariang val thinlai min hnemtu.