Mual chu liam la thalengi

Phuahtu: James L Sailo

Aw, sawi thiam ila rairah kan nun,
Chinlai lenrual zawng hnenah hril ka nuam;
Tuar thiam tur biahthu di min hlan awm maw,
Ka tuara'n vanpui chim lei thimna hi.

Lungdamte'n mual chu liam la, thalengi,
Hraite chawia chunnu i chan thleng pawhin;
Nghilh bik lo la rairah kan nun hi,
Tap chung zela dam lai sei tur reng hi.

Ka chan tawk biahthu di min hlanna hi,
Kaw vawng ve anga ka awmhar min hnema'n;
A chuang si hmangaih biahthu di zawngte,
Hmelma anka em ni, ka ring phal lo.

Dam takin mangtha ngaihlai mi u,
Dan rual loh duhleng tawnah mual i liam;
I tan khawvel eng damlai pialral tur,
Ka tan erawh damlai hremhmun mai tur.