Ka sawm vel

Phuahtu: K Rammawia

Ka sawm vel e zaleng zawngte,
Chhailai di tawnah maw,
Awmlai iang awi a zing tangah,
Ka do zo dawn nem maw,
Phu loh di ngaih ka fampui hial awm e.

Hun tawi te kan lenlai hi,
Tiang reng reng tur maw ni?
Chung siar thlang liam tur mah khi,
Suihlung an rual za thin,
Sam ang then nan biahthu an sawi ngai lo.

Aw, khawtlang leh ka di ve hian,
Min dawnpui ve si lo;
Han dawn zel hian ka chantawk te,
Suihlunglen ar ang vaih,
Ami lengte ka tan, tahna mai maw.

Kei ka lungdi, thangdang mi u,
Dawn kir ve la nunhlui;
Bang lote'n awi ka dawn vel a,
Khuarei mah lo chang se,
Ka nghilh lo'ng e, ka thinlai lungrukah.

Sam ang then zai ka rel thei lo,
Ka tawng sual ngei kei zawng;
Di ngaih hrui ang a sei dawn ngei,
Khuarei hun kal zel hian,
Liampui se, kei ka suihlunglen reng hi.