Saisenteta suihlung min hnemtu

Saisenteta suihlung min hnemtu lalngo,
Thaikawia thu tin di i tiam thin;
Engtin nge val dang tawnah,
Suihlung min hersan mai le, lungrun.

Aw, ka nghah khuarei kumsul vei,
Chung tura ni khian a liampui lo;
Engtin nge ka lo tuar ang i zunleng hi,
A na lua e, ka tan zawng, mampui.

Buan ang ka pawm lai ni chea i zuapa'n,
I nghilh lo'ng aw, tlang za relthang-
Phurh ai chuan Pathian samsuih,
Ka vuah zawk ang che, lungrunpui.

Kei zawngin tapin daikawm ka hrut ta'ng e,
Eng dang vang mah a ni lo ve;
Phu loh pui ka zuam sual che,
Lo ni zawk e, lungrunpui.