Kaitor Kaham

(Lalpa a tha lyrics in Kok Borok language)

Composer: C Lalzarmawia

Ani langma uansuk nai khe gothokjak ya,
Dukhu tekto tei jwngjal sal brum ano kiting o;
Chubanai kwrwi hai khe hangcha ui ma kengai o,
Kaitor no se khatungwi ang ma tong nai.

Ani bagwi Kaitor kaham, ani bagwi hamkugo,
Ani lama kepleng wng ya bo;
Muitu man o ano mwrugo,
Ano hamjaknaisa, ani bagwi le Kaitor kaham se.

Nono naharwi khatangnai no yakar ya
Phunuk lang kha nwng naikolma, nini samung sa bai ya;
Khatungma kwrwi phuru nono naharwi tongo,
Nwng simi se chini khatungma pohor.

Nini bororok cher jakya hai wng phano,
Sadrak songni thani phunuk kha nini naikolmung;
Ang bo muchungo Subrai nini gana o tong nani,
Abono nang kugo hwnwi kha ka o.