Kan lenlai

Phuahtu: F Rokima

Kan lenlai kan chen e, a tu'n min sel lo u,
Nakina tar kan chan ve tika;
"Hmanlai te kha" kan tih ve atanah,
Zai kan vawr e, chhuntiang zantiang kan tawi,
Rairahte tan chuan lenlai kan ti,
Ngaih a la na dawn em, khuarei chan huna'n,
Nghilh har kan la ti ang.

He dam chhung rei lo te atan eng nge pawi awm?
Eiin in la, hlimin lam ang u;
Khawvel chu a hmang nuam thiam apiang tan,
Khuanulengin a siam ariang lawmah;
Pi pu hrilh chawng mah kan chan tawh a,
Mahse, lenlai chan kan inti bil lo,
Lenrual kim ve ni chuan.

Kan lenna khua leh ram chul lo mahse,
Kan nun hleite'n a dang thin hi dawn a har;
Aw, rinna, tlang sawn theihna nei ila,
Lenlaini hi chatuan a chang mai tur,
Kei zawng ka thlahlel lengrual nena,
Hlim leh lawma lam a, zai vawr lai nite,
Nghilh har kan la ti ang.