Tah lai hi puan ang ka bang tawh ang

Phuahtu: Saidenga

Mahriaka tinkim ka han dawn changin,
Thinlaiah, parte, ka vei reng che;
Ka thinlairuk dawn hi han dawn ve la,
I thinlai dam bik hian ka ring lo.

Aw, min han dawn ve la ka lunglen hi,
I thinlairukah min han dawn ve la;
Tahlai hi puan ang ka bang tawh ang.

Aw bawihte, tawnmangah tal leng dunin,
Hai ang thangin ka suihlung lam vai;
Aw bawihte, tawnmangah chauh intawn hi,
Ariang vala chan tawk maw lo ni.

Aw bawihte, runhmunah leng dun i la,
Hlim leh lawma suihlung rual dunin;
Chung Pathian bahsamsuihin leng ila,
Ariang vala duhaisam a ni.