Ka di buangpui

Satu: Zosangliani

Bahsam sensiar nuihmawi hmeltha,

Uai lo te'n vul reng la Zawlkhaw mawiin;

Annema min hlan "Ka hmangaih che",

Nghilh lo nang e fam chan hma zawng.

Pawm lai di hrang karah tawn thar bawihte,

Uai lo te'n vul reng la ka tawnah;

I ngaiin zan mu chhin a har ngei e.

Khuanu samsuih loh di tawn chu,

A ngaih dan thiam a har, lung ka vai;

Hrilh ti hai mai thlawn hraichawi karah,

Min ngai thiam rawh, runlum nuthai.

Annema min chhan ka lungdam nan,

Ngaiin ka au ruai che min awm rawh;

A pawi lo rel thang chu phur dunin,

I chen zel ang lei hringnun hi.

Hmangaih thu di ruktea hlanin maw,

Chan tawk khuarel a rawng kan tawnah;

Engtin ngai che maw, ka di buangpui?

Engtin ngai che maw, ka di buangpui?