Lamang lo let leh rawh

Satu: Zosangliani

Ka awmkhawhar chuang min hnemtu ka tawng lo,

Suihlunglen hi mah te'n tuar a har;

Zing tiana sirva hram thiam te'n zai an lo sa;

Ka lung di then hnu kha min ngaih tir.

Ami leng dang te zawng par ang an inlawm a,

Dar ang tawn ni awm ve si lo;

I zun ngai chhawl ang uai ariang min dawn la,

Ariang ka lawm ve nan lam ang lo let leh rawh.

Hmanah then loh biahthu di kan tiam ve lai khan,

Lung min hersan mai hi ka ring lo;

Mahse, tunah lengdang tawnah lung i her si,

Engtin tuar ang i maw i zunleng.

Bawihte, leng dang tawnah lung min her san mah la,

Nang ngaih lai puan ang ka bang lo'ng;

Kei anga hmangaihtu hi, parte, i tawng lo'ng,

Kei ka tan lam ang lo let leh rawh.