Ka theihnate a tlem si

Satu: T Lalengzauva

Isuan krawsah a tuarna kha,

Mi sual kei min chhandam nan tuar a lo ni;

Chutiang em a min hmangaihtu chu,

A tan eng nge ka tih ve ang?

Ka theihnate a tlem si,

Lalpa rawngbawl ve tur hian;

Min hmangaihna fakin ka zai ang,

Chu chauh chu ka theihtawk a ni.

Hringfa zingah Lal ber i la,

"Isua chu Lal a ni," tiin an puang ngei ang;

Thuneihna zawng pawh ka ta ni se,

Ro zawng zawng a rel ang Isuan.

Ri thei zawng zawng ka ta ni se,

Lal ropui chawimawina hla chhun zan an chawl lo'ng;

Thiamna, finna zawng ka ta ni se,

Isua ropui nan ka hmang vek ang.

Ram zawng zawng hi ka ram ni se,

Min tlantu Isua Lalna ramah ka pe ngei ang;

Khawvel sum zawng pawh ka ta ni se,

Ama rawngbawl nan ka hmang vek ang.

Ka aw leh ka theihna zawng nen,

Ka pumin ka inpe i duh a hman turin;

Thil hlu ropui nei lo mah ila,

Ka theihtawkah mal min sawm rawh.