Lal run a thim ruai e

Phuahtu: Roluahsanga (Luahtea Mualchin)

Satu: Lalnuntluangi (Nupuii), District Choir Lunglei

Lalpa, Zion ram ka thlir thin,

Riangvai fate lawma an chawlna hmun chu;

Chutah thihna a awm lo vang,

Lungduh lenrual kan kim tawh ang.

Mahse, Lalpa, lei hmun khawharah hian,

I mite an dam lo ve;

Sual ral lianin a nang vel e,

Engtin nge ni ang le, Lalpa?

Kei zawng ka ngaingam lo,

An thlarau chan tur ka dawnin, 

An tel lo chuan Lal run a thim ruai e.

I ram tana dai theu tur hian,

Aw, ka theihna zawng a tlem lua a ni;

Thlarau sang tam tak boral mai tur,

Aw, ka phal lo, ka phal mawlh lo.

Kan run thim ruai ka thlir changin,

Eden natna veiin ka chau thin e, Lalpa;

Khawvel hi zawng ral tawh mai se,

Lei ninawm hi ka kham tawh e.

Fam rihsang kai ka nuam ngei e,

Awmkhua a har, mahte'n Lal zun ngaih a na;

Aw hringnun, ral tawh mai rawh,

Thihna lui ral ka ngaih a zual.