by Phuahtu: Tin Tin Lalmuankima
Satu: Lalthansangi
Ngaia dawn ni bang lo, aw, ka ram ngaih chu,
Kar min dan hringnun hian rangkachak khawpui chu;
Ngaih ni bang lo, ngaih ni bang lo, aw,
Chung thang van Salem khawpui chu.
Aw, ka ngai zual thin ka ramhlun tur,
Lungngaih, mangan a awm tawh lo khawpui mawiah;
Angel var nen hlim zai vawra kan lenna tur ram chu,
Ka thlir chang hian, aw, thlen hlan ka va'n nghakhlel em.
Chu khawpui kan thlen hun chuan,
Chu khawpui kan thlen hun chuan;
Lungduh kan kim tawh ang chu ramah chuan,
Inthen kan bang tawh ang,
Aw, chatuan, chatuan, chatuanin Hosana! Amen! a va nuam dawn em.
Aw, i kal zel ang, i zam lo'ng aw,
Khualzin cham chhung a rei tawh lo'ng, a rei tawh lo'ng;
Thuthlung ram chhan ral dotute, Lal dana thawktute,
I zam lo'ng aw, Lal run nuam kan thlen hma loh zawng.
Aw thlarau thianghlim, min hruai zel rawh,
I hnen thlen hlan kan nghakhlel e, thuthlung fate'n;
I ram kan ngaih a bang thei lo, kan ngai che, kan rum e,
Tapin kan rum lungngaih chhumpui zing hnuaiah hian.
Damna ram eng nuam khawpuiah chuan,
Hawih te'n an leng, thuthlung vuantu lungduhte chu;
An engthawl e, zalenna ram hmun mawiah an leng e,
Ka hringnun mual liam hun chuan ka la thleng ve ang.
🤩
ReplyDelete