Zion khawpui (Lalthansangi sak)

Phuahtu: Zorammuana

Satu: Lalthansangi 

Ka chung thang van sang Lal runah,

Awi maw! an leng e, tlansate;

Inkhawmpui an tiak tawh ngai lo ve,

A chhunga chengte zawng an vul ram nuamah,

Nunna thing daihlim hnuaiah chuan,

Han chawlh ka nuam ve,

Min dang rih si a maw?

Zion khawpui, i ngaih ni a bang lo ve,

Kan vul hun tur meuh chu e;

Zai lam ka thai ang a, ka lam der der ang a,

Tlantu kiangah chuan,

Engthawlna ram Zion-ah.

Ram ngai van mi kan kur diam,

Awi maw! kan ngai a ni, ram ropui;

Tumah reng an rum tawh ngai lo vang,

Pathian hmangaihna thuam Vanram changtuten,

Lei lungngaih buaina an ngai lo vang,

Lawm a kim tawh ang,

Engmah kan ngai lo vang.

A ral thuai ang kan damchhung ni,

Tam tak an her liam zo tawh e;

Kan khualzin kawng kan zawh tawp hunin,

Ka thla a kal ang a, khartung sawnin, awi!

Kawngkhar mawi han lut tawh turin,

Eng ropui chhungah,

Lalpa'n min pawm ang a.

Chatuan ram mawi kan pan mek e,

Kan hawn a hnai tawh e, Lal runah;

Lei ramah zawng kan dam thei lo ve,

Chatuan khawvarna ram ngaih ni a bang thei lo,

Zion Lal zun ngai reng hian maw,

Lei nun kan chhiar e,

Kan rum leh thin a lawm.