Rauthla vangin

Phuahtu: Lalthansanga Colney

Satu: F Lalhriatchhungi (Te-i)

Tlangsel leh sawi tam ka phur leh thin, ka phur leh thin,

Lal thuthlung bawm zawna khualzin kawng ka zawhna ramah;

Chakna leh thil tih theihna te ni lo vin,

"Ka thlarau zawkin le," Lalpa'n a ti e.

Lalpa, sipaihote Lalpa chu kan Lal a ni e,

Indote thleng thin mahse, ka thla a hual reng e;

Buaina chhum zing piah chatuan ram nuam min hruai thleng ang a,

Tahchuan ka thla a chawl ve ang lei nun ngai tawh lo vin.

Chemsen leh laifei kan chawi lo ve, kan chawi lo ve,

Sir tiang sawna Lal ram din turin laifei a ngai nem maw;

Chakna leh thil tih theihna te ni lo vin,

"Ka thlarau zawkin le," Lalpa'n a ti e.

A hniaka zui tur hian ka chauh chang ni a tam ngei e,

Rauthla ram atangin ti hian Lalpa'n biahzai min hlan a;

Tho la, i sualna te rawn tlengfai la,

I tana buatsaih ram khawpui mawi pan rawh.

Thuthlung thianghlima'n mi huaisen te'n an nun an hlan a,

Ram tha leh zual beiseiin hringnun par mawi an ngainep a,

Tahchuan an leng e, Lal ram par lawmin,

Rau thla vang zawkin muang te'n an chawl e.