A lo piang ta

Phuahtu: PT Zama

Satu: Stacy Punte

Vawiinah hian Bethlehemah kan tana Lal thar chu,

A lo piang ta fakin i chawimawi ang;

Lei lal pawhin a dan theih loh Chatuan Pa remruat chu,

Khawvel hian do mahsela a ram a zau zel ang.

Lei leh van inrem thei tawh lo chu,

Rem len tir turin a lo kal Lal ber chu,

Amah chu inngaitlawmin hringmiah lo piangin,

Vana Lal ber nimahse ranthleng a rawn bel e.

Berampu te paw'n nausen thar chu,

Mari hraichawi chu chibai bukin an kal;

An beram ven kalsanin chibai an rawn buk a,

Kalsan ngaite kalsanin chibai i buk ve ang u.

Khawchhak mifingte paw'n bawkkhupin,

Chibai an buk a, an robawm te hawngin;

An neih rohlu ber te chu Lal thar an rawn pe a,

Hawh u, kan neih rohlu ber thinlung i hlan ve ang.