Krismas i hmang dun ang

Phuahtu: Lalthachungnunga Tlau

Satu: Melody Lalsawithangi

Favang hunpui a lo her liam a,

Sikni eng mawi a lo chhuak leh ta;

Lal pian champha kan lo thleng leh ta,

Zaleng nau rual zawngte lunglawma'n.

Thlasik zing tian eng no riai hnuaia'n,

Sirva hram thiam te'n zai an lo sa;

Samtlang par mawi te'n an lo vul leh ta,

Thlasik vur daifimin mawi te'n bawm e.

Aw, ka di duhlai, i dam thin em?

Krismas hlim te'n i hmang dun ang;

FB, phone call, message hmangin,

Krismas chibai ka rawn hlan e,

Sakhmel dar ang tawn ni a her mahna.

Zantiang chhawrthlapui eng no ruai hnuaia'n,

Thlasik kawng chung siar eng zam chiai e;

Khuanu leng hian a lo duang thiam ngei e,

Hlim te'n zai vawra awih ka nuam e.

Kumpui sul ang a lo her liam a,

Chhingkhual kar hla di ngaih zawng a na e;

Khuanu zara hlimtea hmang turin,

In chhuahtlang mual ka rawn hrut leh nang e.

Nun hlui liam hnu dawn kir changin,

Ka thinlaiah an lo thar leh thin;

Suihlungruala hlim zai vawra,

Tlai khua kan var dun lai te kha, herchhuak leh se.