An hma a hruai zel e

Phuahtu: PB Gilbert

Satu: Lalthansangi

Ka khualzin lamtluang ka zawh mek laiin,

Zion ram ngaia zai thawm ka hria a;

Tute nge an nih ti a ka zawh chuan,

"Vanram thleng tura bual faite", an ti.

Aw, Lalpa Thuthlung vanga hrehawm tinreng tuar ten,

Sawichhiat leh nuihsan an buai ve lo;

Ngui ni hmel reng a awm ngai lo, ramtiam an pan zel e,

Thlarau Thianghlimin an hma a hruai zel e.

Thlarau hruaia awm thuthlung fa zingah,

Hmangaihna leh inremna a fawn vel e;

Vui thu leh elrel ten hmun an chang lo,

Hmangaihnain Amen an pe rual e.

Zan chhing lo tea Van hla rem laiin,

An hmu rinnain Lal lenna Zion;

Thlir hian ka ring thin, an fak zai sa hi,

Ama Thuthlung ngeiah an cheng si a.

Lalpa buatsaih ram nuam chu thleng turin,

A hnena phum ve nih a ngai si a;

A ring baptis chuan thiam an chang ang,

Chu ngei chu Lalpa thuthlun a ni e.