Ka thlir bang thei lo

Phuahtu: Evan. Lianthangvunga (Maliana)

Satu: Bazar Bial Zaipawl (2023-2024), Evan. Lianthangvunga

Thlir ve u, lenkawl eng leh turni pui khi,

Chung vanzawl timawitua'n a eng ruai e;

Siamtu Lalpa remruatin a kal zel a

Chutin thlangtiang lenkawl mawiin a eng no riai e,

Ka Lal lenna ram Zion khi min ngaihtir e.

Aw, kei zawng ka thlir bang thei lo,

He hringnun hi ral tawh mai se;

Beramno hmel enna Zion khawpui mawiah khian,

Ka len ve hun tur ngai hianin ka rum vawng vawng.

Zaiin ka chawi zel nang e, khawvel hriata'n,

Tlangrel thang pawh dawn lovin ka hril zel ang;

Hmanah zawng maw thim hnuaia ka len lai khan,

Hetiang reng renga ngai hianin ka inring nem le,

Khawvel mawina tinreng pawh hian a iang zo lo.

Dawn ve che maw, awm khawhar zual chang ni hian?

Hring hriatna marphu tawpin a ral ni chuan;

Khawi lamah tuan ang che maw lei piah lamah?

Khawvel nun hlui reng ngai lovin hmangaihtu hnenah,

I len ve theih nan sual simin lo kir lul rawh.