Danglam tura koh

Phuahtu: Rodingliana

Satu: Mawitea, Machhani, Hriatchhungi, Vanlalneihpuii, Zothanmawii, H Laltanpuii Fanai, Lalrinfeli Punte, Ngurliantluangi

Chinlai khuavela sakhming thang tura theihtawpa ka beih laiin,

Anka nem leh biahzai hlaa suihlunglen thu tinkim ka hril laiin;

Ka tlin lohna ber pawh haidera ka Lalpa min kohna,

Ka thinlaiah a lo ri a, ka hawikir san thei ta lo.

Ka hlimna berte leh ka duhaisam zawngte pawh,

An danglam zo ta a maw, nuam ka tih thin zawngte nen;

Chutin nundan danglam tura koh ka lo ni a,

Hmana ka duh ngai lohte pawh kha an lo mawi zawk ta e.

Chhuan tur engmah ka nei lo ve, khawngaih vanga min kohna chauh;

Lawm chunga a rawngbawl tur leh a nuam leh hrehawm pawh sawi lovin,

A chanchin tha hre lotute hnena puanga hril zelin,

Chhandam ngai apiangte chhandam tura koh kan ni si a.

A va na em! Hmangaihna hi ka Lalpain min tawrhsakna,

A lam ka hawi lo chung pawh a kraws ram reh lamtluang zawng paltlangin,

Thihna seol kawchhung thuk bera ka tang hnu min hmuchhuak,

Nunna thuthlung min siamsak hi, aw hmangaihna, hmangaihna.