A hming Lal Isua

Phuahtu: T Vanlalruata

Satu: Vanlalneihpuii

Engkim siamtu Lalpa Pathian,

Mahni chauhva van kai pharha lei tizautu;

Awm tawha leh awma Pathian,

Sipaihote Lalpa indonaa hnehtu kha,

Bethlehem dai hmun tlawmah lo piangin tisain a lo chang,

A hming Maka, Remruattua, Pathian Chaka, Remna Lal, Lal Isua hi a ni.

Lei lal ropuite leh ama mite ngeiin an duh lova,

Sirah an hnawl hnu Van Lal riangvaia kha;

Lu nghahna nei lovin tlawm mahsela,

Kei ka damna leh ka lawmna ber a ni,

Halelui! pe lo thei ka ni lo, Haleluia! Amen!

Lal ropui leh engkimtithei,

Angel var leh Serafim ten an fak nin loh;

Kei ka lunglai damna a ni,

Lei leh Van Lal riangvai hmun tlawm bera zal hnu kha,

Mahse, lei lal ten amah an duh lo, sirah an hnawl a maw?

I tan, ka tan a tawrhna te, i nghilh thei dawn em ni le?

Kan nghilh dawn em ni le?

Tunge tui chunga kal a?

Tunge thlipui leh tuifawn hau reh?

Tunge leilung nghahchhante phum a?

Tunge van leh khawvel siamtu?

Tunge ka sual man bat tlak a?

Tunge lo kal leh tur Pathian chu?

A hming Lal Isua a ni.

Tunge ropuina Lalpa?

Tunge Abrahama Pathian chu?

Tunge Pathian fel leh chhandamtu?

Hmasa ber leh hnuhnung ber chu?

Tunge Alpha leh Omega?

A bul leh a tawp Pathian chu?

A hming Lal Isua a ni.

Kei ka damna leh ka lawmna ber Pathian,

A hming Lal Isua a ni.