Partin vulna ram (Pentecostal Choir sak)

Phuahtu: Evan. Lianthangvunga

Satu: Pentecostal Choir (AED) (2022-2024)

Suihlung lenin ka thlir vela a khi romei karah,

Beramno lenna ram Zion chung thangvan sanga’n;

Aw, chutah rinnaa hnehtu ten min lo nghak e,

Ka hringnun hi a ral hunin ka thleng ve ngei ang.

Aw, hmangaihna par tin vulna ram,

Chhem dam thlifim leng vel leh boruak thiang lenna;

Nunna tui thiang dawna Zion ram ka chuan ni chu,

Ka thlen hunin khawvel reng hi ka ngai tawh lo vang.

He lei danin ka hringnun hian hlim ni tawng thin mah se,

Sennau anga hlim lai ni reng, aw, a tawi lua e;

Chutin lungngaihna ten hrui angin min phuar leh thin,

Lei ram pela hmangaihte nen len hun ka nghakhlel.

A hun leh ni a thleng dawn ta harhin tho thuai rawh u,

Seol thim hnuaia thute tan lungngaihna ni chu;

Zion fate tan chuan zalenna ni tur a ni,

Hun leh ni reng a ngai tawh lo’ng Beramno engah.