Lalpa min hruai leh rawh

Phuahtu: Zamvela Ralte

Satu: H Ramtharzuali (Thartei), North Mizoram District PYD Choir (2022-2024)

Hmanah, Lalpa, i rawngbawlin ka hun ka hmang ve thin,

Malsawmnain min vur thin kha ka lo uanpui leh si;

Chutin ka nun chu sual lamah kharin a lo awm ta.

Aw, ka Pa, ropui leh thianghlim,

I thlarauvin min hruai leh rawh thlaler ram rovah hian;

Keimah mai chuan ka kal thiam lo, Lalpa, min hruai leh rawh.

I chhandamna chang ve turin, Lalpa, ka rawn pan che,

Chatuan nunna chang tlak tawh lo mi sual ni mah ila;

Ka sual zawng zawngte ngaidamin nun thar min pe ang che.

Ka theih tawkah min hmang ang che sual ral do ve turin,

Ka kawng atan eng lo ni la, thutakin min thuam la;

Sual tura thlemna hmunah pawh, Lalpa, min hum ang che.

Thlarau bote sual bawih ata hruai chhuak ve tur hian,

I thlarauvin min hruai leh rawh, ka Lalpa, ka Pathian;

Chatuan nunna nei ve loten nunna an neih theih nan.