Dam takin

Satu: Vanlalruati

Lungduh inthen nan kawl a lo eng e,

Lenrual nau ang hlim tea kan lenlai;

Aw, ka tuar thiam lo, sam ang ka then tur hi,

Engtikah dar ang tawng leh i maw?

Chung Pathian Khuanu'n min hualhim zel se,

Kei zawng zamual ka liam ta'ng e;

Tunah tapin inthen rih mah ila,

Kan inhmuh leh hma zawng dam takin.

Thiamna, hriatnain hma lam a pan zel,

Lanu, val rual an ngir za lam thuamah;

Ngai ve ang maw, lungduh an then tak te chu,

Kei zawng lam ang let ka nuam mang e.

Kei zawng ka thinlai a hnim, ka chhingmit,

Dar ang tui ang luang e, ka tuar thiam dawn lo;

Mual za pui kar danah leng mah i langin,

Nghilh thei hian ka mawi lo, dam takin.